Lovraslåtta er medteken i Erfjord Bygdebok av Magnus Våge, så her skal garden berre kort omtalast.
Lovraslåtta som ligg på austsida av Slåttevatnet og grensar i sør til Romsbotn og Økstra, mot nord til Jårvik og mot aust til Lovra, var opphaveleg ein plass under Lovra og var det til 1857. Då skjøtte Johannes Andersson Lovraslåtta over på son sin Anders Johannesson for 300 spd. og folga. Bruket fekk løpenr. 33 av Lovra. Matr.skyld 1 dl. 16 skilling. Ein part av Lovra på 16 sk. som faren Johannes Andersson åtte fylgde og med i handelen. Så då førebuinga til ny matr. tok til i 1863 var bruket til Anders Johannesson Slåtta 1 dl. 1 ort 1 sk. Dette siste jordstykket på 16 sk. vart likevel seld attende til Lovra. I førebuinga til ny matr. som tok til i 1863 vart Lovraslåtta vurdert såleis
Slåtta løpenr. 33 av Lovra, eigar Anders Johannesson, gamal skyld 1 dl. 1 ort 8 sk. Sår 3 tn. og haustar 10 tn. havre, 2 ½ tn. og haustar 12 tn. poteter. Før hest, 3 kyr og sauer. 8 mål åkerland, 47 mål engslått. Innmarka vurdert til 247 spd. Frådrag for vanskeleg å koma til 30 spd. Frådrag for tung å vinna 30 spd. Beite vurdert til 120 spd. Skogen til 264 spd. Vassfall 10 spd. Heile bruket vurdert til 580 spd. Framlegg til ny skyld 1 dl. 78 skilling.
Resultatet var matr. av 1886. Men i mellomtid var to skogteigar som låg
inntil skiftegaren mellom Lovra og Lovraslåtta innkjøpt til Lovraslåtta.
Den første som vart skyldsett til 1 ort 11 sk. og hadde løpenr. 26 b. av
Lovra vart seld og skjøtt av Rasmus jonasson Lovra til Anders Johannesson
Slåtta i 1869 for 150 spd. Den andre skogteigen var på 16 skilling og fekk
løpenr. 29 b av Lovra og var av Knut Torbjørnson sitt bruk, men seld av
Anders Andersson Lovra til Anders Johannesson Slåtta i 1865. Den samla skyld
på Slåtta var difor i 1886 1 dl. 2 ort 19 skilling. Bruket fekk gardsnr.
44, ny skyld 3 mark 18 øre.
I 1892 vart skiftelinene mellom Ytre Jårvik og Lovraslåtta gått opp. Skiftet mellom Lovra og Lovraslåtta fastsett ved skifteforretning av 3. juli 1852.
I matr. frå 1906 eig Johannes Andersson Lovraslåtta. Skylda den same som i 1886.
Brukarane i Slåtta er utførleg omskrivne i Erfjord Bygdebok av Våge og vert ikkje tekne med her.